Plantun de Prouvènço

Pèr coumpara dos planto d'encò nostre

Sagina procumbens & Cuscuta scandens

Sagina procumbens

Caryophyllaceae

Nom en français : Sagine couchée.

Descripcioun :
La sagino-rebaladisso es uno planto renadivo que trachis sus li roco imourouso e li riéusset. Fai uno pichoto mato de fueio primo, longo e acabado pèr uno pichoto arèsto. Li flour an quatre petalo. Au contro, sa cousino, Sagina apetala es uno planto de l'an dreissado que trachis dins li pelouso sablouso. Coumpara emé la sagino-sènso-petalo que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Sagina
Famiho : Caryophyllaceae

Ordre : Caryophyllales

Coulour de la flour : Brunello
Petalo : 4
Ø (o loungour) flour : 5 à 15 mm
Flourido : Printèms - Estiéu - Autouno

Sòu : Si
Autour basso e auto : 0 à 2300 m
Aparado : Noun
Abriéu à óutobre

Liò : Riéusset - Ribo d'aigo - Roco imourouso
Estànci : Subremediterran à Subaupen
Couroulougi : Éurousiberiano
Ref. sc. : Sagina procumbens L., 1753

Péu-de-lin(-escaladaire)

Cuscuta scandens

Convolvulaceae

Àutri noum : Péu-de-lin, Péu-de-damo, Barbo-de-mouine, Rasco, Cuscuto.

Noms en français : Cuscute volubile, Cuscute du Bident.

Descripcioun :
Aquéu péu-de-lin trachis pulèu dins li mitan umide. Si tijo soun jauno aranjado e sis enflourejado en grumicelet fan de 8 à 15 mm. Se recounèis peréu que sis estigmate soun en massugueto. Li flour soun blanco o jaunasso. Li boursèu fan de 2,8 à 3,8 mm.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo .